Så, sit vi her i våre uniformer i "foajèen" her på "kyrkja". Dei fleste som kjem innom om dagane og som har tid til ein kopp kaffi og vaflar, sit her under verandaen i 2. etj. Lunchen vår i dag er nudl-suppe på thai-vis til 35 bath (ca.5 kr.) Korleis dei kan greie å selje mat så billeg, har vi undra oss på ofte. Dette er slikt vi kan få kjøpt og ta med tilbake til kyrkja for å ete. Det finns mange slike sjapper. Mani (sjåføren vår) er lokalkjend og hjelper "bønder på byn". Det er ikkje alle som forstår engelsk av dei som sel slikt, og då er det godt å ha ein som kan alt på thai.
Til og frå kyrkja dreg vi med desse bath-taxiane. Skal leggje ut bilde av ein slik etter kvart. Gode idear for Arne som er taxibransjen heime. Vi betalar 10 bath (kr. 1,80) uansett om vi sit på 100m eller 2km. Bildet i dag er det første vi har lagt ut teke med det nye kameraet vårt. Etter kvart som vi vert kjendt med det, går det nok lettare.
Til deg som les dette er det berre å skrive kommentar. Det set vi pris på. Har lyst å formidle litt kvardagslege opplevingar på bloggen vår. I forgårs kveld f.eks. kom det eit kraftig torevèr med etterfølgjande kraftig regn (var visst lenge sidan det hadde vore slikt ver). Vi måtte hoppe over å symje i bassenget den kvelden, då det vart for farleg.
3 kommentarer:
Så kjekt å sjå bilde av dåke i Pattaya :) eg har liksom ikkje heilt skjønt kor de er endå, det går liksom litt opp for meg når eg ser bildet ;) De ser veldig fornøyd ut!
Sukk. Eg og vil ete nudlesuppe på ein altan i varmen... Gleder oss masse til å komme nedover til dåke! Det ser ut som dåke har det bra!
Hei på dåke! Kjekt å lese kor de har det. Eg har hatt problem med e-posten på heimepcen. Skal helse fra resten av gjengen.
Legg inn en kommentar